विश्व
इन्डोनेशियाको राजधानी जाकार्तामा आगलागी, २२ जनाको मृत्यु
- समाज पाना |
- मङ्सिर २४, २०८२
काठमाडौं । इन्डोनेसियाको राजधानी जाकार्तामा एक कार्यालय भवनमा आगलागी हुँदा कम्तिमा पनि २२ जनाको मृत्यु भएको छ ।
सात तले भवनमा मंगलबार दिउँसो आगलागी हुँदा कम्तिमा पनि २२ जनाको मृत्यु भएको हो । केही कर्मचारी दिउँसोको खाना खाँदै गर्दा आगलागी भएको जनाइएको छ ।
प्रहरीले प्रारम्भिक अनुसन्धानका क्रममा पहिलो तलामा ब्याट्री विष्फोट हुँदा भवनमा आगो सल्किएको अनुमान गरेको छ । आगलागी भएको भवन ड्रोन निर्माण गर्ने एक कम्पनीको भएको बताइएको छ ।
प्रहरीका अुनसार आगलागीमा परी मृत्यु हुनेमा अधिकांश महिला छन् । जसमध्ये एक महिला गर्भवती थिइन् । अधिकांशको मृत्यु धुँवामा निसास्सिएर भएको प्रहरीले जनाएको छ ।
.jpg)
सम्बन्धित समाचारहरु
साउदीको रियादस्थित अमेरिकी दूतावासमा ड्रोन आक्रमण
फाल्गुण १९, २०८२
विश्वव्यापी १५ प्रतिशत भन्सार शुल्क लगाउने ट्रम्पको घोषणा
फाल्गुण १०, २०८२