काठमाडौं । सुनचाँदी बजारमा आज सुनको मुल्य २९ सय रुपैयाँले घटेको छ । आज छापावाला सुनको मुल्य प्रतितोला २ लाख ९२ हजार २ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
बुधबार छापावाला सुनको मुल्य प्रतितोला २ लाख ९५ हजार १ सय रुपैयाँमा कारोबार भएको सुनको मुल्य आज २ हजार ९ सय रुपैयाँले घटेर २ लाख ९२ हजार २ सय रुपैयाँमा कायम भएको महासंघले जनाएको छ ।
चाँदीको मुल्य पनि घटेको छ । बुधबारको तुलनामा चाँदी प्रतितोला ५० रुपैयाँ घटेको छ । हिजो चाँदी प्रतितोला ५ हजार ९ सय २० रुपैयाँमा कारोबार भएकोमा आज ५ हजार ८ सय ७० रुपैयाँ कायम भएको महासंघले जनाएको छ ।