काठमाडौं । सन् २०२५ मा ११ लाख ५८ हजार ४ सय ५९ विदेशी पर्यटक नेपाल भित्रिएका छन् । नेपाल पर्यटन बोर्डले दिएको जानकारीअनुसार सन् २०२५ मा विभिन्न मुलुक हुँदै उक्त सङ्ख्यामा पर्यटक नेपाल भित्रिएका हुन् ।

सन् २०२४ मा भने ११ लाख ४७ हजार ५ सय ४८ पर्यटक नेपाल भित्रिएका थिए । सन् २०२५ मा अघिल्लो वर्षको तुलनामा केही सङ्ख्या बढेको छ, जसमा छिमेकी मुलुक भारतबाट २ लाख ९२ हजार ४ सय ३८, अमेरिकाबाट १ लाख १२ हजार ३ सय १६, चीनबाट ५८ हजार ६ सय ८४, बेलायतबाट ५७ हजार ५ सय ४५, बंगलादेशबाट ४९ हजार ३ सय ५७, अष्ट्रेलियाबाट ३७ हजार ५ सय ५०, श्रीलंकाबाट ३० हजार २४३, थाइल्याण्डबाट ३० हजार २ सय २७ र जर्मनीबाट २४ हजार ७ सय ६३ पर्यटक नेपाल घुम्न आएका नेपाल पर्यटन बोर्डले जनाएको छ । 

तथ्याङ्कअनुसार गत डिसेम्बरको एक महिनामा मात्र ९८ हजार १ सय ९० पर्यटक नेपाल आएका थिए । उक्त महिनामा छिमेकी मुलुक भारतबाट ३० हजार ९३, चीनबाट ८ हजार ६ सय ८०, अमेरिकाबाट ६ हजार ६ सय ५, बङ्गलादेशबाट चार हजार ९ सय ८०, अष्ट्रेलियाबाट ४ हजार ४ सय १९, थाइल्याण्डबाट ४ हजार २ सय ३४, बेलायतबाट ३ हजार ७ सय ९३, म्यानमारबाट २ हजार ७ सय ५८ र मलेसियाबाट २ हजार ४ सय २९ पर्यटक भित्रिएका छन् ।