काठमाडौँ । बेल्जियममा हुने इयु टी-२० बेल्जियममा ८ नेपाली खेलाडी खेल्ने भएका छन् ।

आगामी जुन ६ देखि १४ सम्म हुने इयु टी-२० बेल्जियममा ६ फ्रेन्चाइजी सहभागी हुदैछन् । जसमा एकसेल युनाइटेड ब्रसेल्स, एन्टवर्प एङ्कर्स, गेन्ट ग्लेडिएटर्स, जेबी ब्रुगेस, लुभेन र लिज रेड लायन्स रहेका छन् ।

जेबी ब्रुगेसले मात्र नेपाली पाँच खेलाडीलाई अनुबन्ध गरेको छ । जसमा अनिल शाह, दिपेन्द्र सिंह ऐरी, गुलशन झा, इशान पाण्डे र ललित राजबंशी रहेका छन् ।

त्यसैगरी लिज रेड लायन्सले सन्दीप लामिछानेलाई अनुबन्ध गरेको छ भने गेन्ट ग्लेडिएटर्सले रोहित पौडेललाई अनुबन्ध गरेको छ । त्यस्तै एन्टवर्प एङ्कर्सले आसिफ सेखलाई अनुबन्ध गरेको छ ।

बेल्जियम क्रिकेट एसोसियसनको आयोजनामा पहिलो पटक इयु टी-२० बेल्जियम हुन लागेको हो ।